«Муркаш» халӑх фольклор ушкӑнĕ юбилейпа саламларě
Нумаях пулмасть Хорной ялĕнче пурӑнакан Лидия Алексеевна Афанасьева хӑйĕн сумлӑ 95 ҫулхи юбилейне ачисемпе, тӑванĕсемпе, пускильсемпе пĕрле сумлӑн палӑртрĕ.
Лидия Алексеевна нумай-нумай ҫулсем хушши Ленин ячĕллĕ хуҫалӑхра ырми-канми тӑрӑшса ĕҫлесе «Хисеплĕ Ĕҫ ветеранĕ» ырӑ ятпа тивĕҫлĕ канӑва тухнӑ.Ҫавна шута илсе, сумлӑ юбилей ячĕпе округри агропромышленность комплексĕн профсоюз райкомĕн председателĕ Фаина Григорьева чун-чĕререн Тав ҫырӑвĕпе саламларĕ.
«Муркаш» халӑх фольклор ушкӑнĕн участникĕсем илемлĕ юрӑ-ташӑсемпе савăнтарчĕҫ, ҫирӗп сывлӑх, тулли телей, ачусемпе, мӑнуксемпе савӑнса пурӑнма, инҫе ҫул пек вӑрӑм ӗмĕр, канлӗ ватлӑх сунса чылайччен юрласа, ташласа киленчĕҫ.